Անդրադառնալով Կ. Դեմիրճյանի անվան մարզահամերգային համալիրում 2010թ. կուսակցությունների ղեկավարների հետ ՀՀ նախագահ Սերժ Սարգսյանի կազմակերպած քննարկումներին՝ «Համերաշխություն» կուսակցության նախագահ Սարգիս Ավետիսյանը դրական է գնահատել խորհրդատվական բնույթի նման հանդիպումները։

–Թեև մենք մեր խորհուրդները տվել ենք, բայց որքան ես հասկանում եմ, դրանք այնքան էլ չեն օգտագործվել։ Կարծում եմ` ակնհայտ է, որ այսօր ՀՀ–ն թե՛ ներքին, թե՛ արտաքին քաղաքական խնդիրների առումով այնքան էլ լավ վիճակում չէ, և իրավիճակը չի փոխվում,–«7օր»–ին ասել է Ս. Ավետիսյանը:–Գուցե նաև ձևական են, արդեն ձևական բնույթ են կրում, որովհետև այդ խորհրդակցություններից ինչ–որ հարցեր պետք է առաջանային, որոնք կոնկրետ լուծումներ պետք է ստանային, բայց, ինչպես տեսնում ենք, բավականին երկար ժամանակ է անցել։ Գուցե հիմա նոր խնդիրներ առաջանան, որոնք,  կապված այդ հարցերի հետ, լուծումներ ստանան։ Խոսքս նրան է վերաբերում, որ նախագահը, փաստորեն, անցել է ակտիվ քաղաքական որոշումների կայացման փուլ, և գուցե ինչ–որ բաներ փոխվեն։

7or.am