Կարծիք

05.04.2020 12:36


Միակ պատասխանատուն լինելու է անձամբ Նիկոլ Փաշինյանը․ նրա մտերիմները պարտավոր են դա նրան բացատրել

Միակ պատասխանատուն լինելու է անձամբ Նիկոլ Փաշինյանը․ նրա մտերիմները պարտավոր են դա նրան բացատրել

Երբ ընտրությունների նախաշեմին համաներում հայտարարվեց և մի քանի հարյուր, եթե ոչ հազար բանկտարկյալ ազատ արձակվեց, բոլորը հասկացան, որ դա արվում է քաղաքական շահերից ելնելով, որ ազատ արձակվածները և նրանց հարազատները «Ձեր քայլին» ձայն տան: Ընդ որում, համարյա բոլորի մեղքը հաստատված` «հանգիստ նստած էին տեղները»:

Հիմա, երբ մահացու վտանգ կորոնավիրուսը` երկրում իշխող ուժի անտարբեր անփութության պատճառով ներթափանցեց քրեակատարողական մարմնի տարածք և դուք ստիպված էիք նույն կառույցում կարանտին մցնել, բոլորը քաջ պատկերացնում են, թե այնտեղ ի՛նչ է կատարվում, կամ ի՛նչ է կատարվելու 14 օր անց:

Եթե հանկարծ որևիցե մեկը տուժի այդ փաստի պատճառով, համար մեկ և միակ պատասխանատուն լինելու է անձամբ Նիկոլ Փաշինյանը:
Նրա մտերիմները պարտավոր են դա նրան բացատրել:

***

Արդեն իսկ պարզ էր, որ Դանիբեկյանին մի այլ դատավորով չփոխարինելու որոշումը քաղաքական հետապնդման հերթական դրսևորումն է:

ՀՀ և ԱՀ նախկին վարչապետերի երաշխավորությունը չընդունելու օրինական հիմք չկա, ու Նիկոլ Փաշինյանը «հիվանդացրել» է Դանիբեկյանին, նույնիսկ «վիրահատել» է նրան, որ ինչքան հնարավոր է ձգի որոշման կայացումը, միգուցե և որովհետև հնարավոր է, որ անգամ Դանիբեկյանն ընդունի վարչապետերի միջնորդությունները։

Նոր դատավոր էլ չի տալիս, որովհետև վախենում է, որ նոր դատավորը, հնարավոր է, վնգստացող չլինի ու ազատ արձակի Նախագահին:

Հա, սխալ չեմ գրել, հենց Նախագահի՛ն՝ առանց անունը շեշտելու:

Հիմա էլ հիվանդանոցից ՔԿՀ տեղափոխելու որոշումը, որը կրկին ապացուցում է միայն մի բան` էն հայտնի «ում շան» պես վախենում եք Քոչարյանից:
Ճի՛շտ եք անում:

Քրիստինա Նազարյանի ֆեյսբուքյան էջից

Այս խորագրի վերջին նյութերը