Թվում է, թե Հայաստանի Հանրապետության երրորդ իշխանություն հանդիսացող դատական համակարգը վերածվել է ինչ֊որ մակդոնալդսային կորպորատիվ ձեռնարկության, որտեղ տնօրենը մրցակցության մեջ է դրել շարքային աշխատակիցների, որպեսզի որոշեն ամսվա լավագույն աշխատակցին։

Արդեն մեկ տարի է, ինչ դատական համակարգի լավագույն կամակատարները՝ Դանիբեկյան Աննան և Դանիելյան Արմենը, իրար մեջ մրցում են ամսվա լավագույնի կոչման համար։

Այն, որ Դանիելյանը միշտ եղել է դատախազների սրտի դատավորը, գիտեինք վաղուց և նրանից արդարամիտ վճիռներ և որոշումներ սպասել պետք չէ։ Իսկ Դանիբեկյանին բացահայտեցինք վերջերս, երբ հասկացանք, թե ինչպես է ոտնահարում օրենքն ու արդարադատությունը, որպեսզի Հայաստանի թիվ 1 քաղաքական գործը իշխանությունը զավթած Փաշինյան Նիկոլի սրտով լինի։ Այստեղ, իհարկե, կա նաև մեկ այլ հանգամանք. ըստ ասեկոսեների, իշխանությունը Դանիբեկյանի դիմաց դրել է մի շարք փաստեր նրա անցյալից, և հիմա նա պարտավորված է կատարել ցանկացած իշխանական կապրիզ, ընդհուպ նաև պատրաստ է սուտ ցուցմունք տալ տուժողի կարգավիճակում։

Դե ինչ, թե ո՞ւմ կհասնի այս ամսվա լավագույն կամակատարի պատվոգիրը, կորոշվի Վերաքննիչ դատարանում։

Չնայած քանի որ Դանիելյանից արդարադատության իրականցում սպասելը ապարդյուն է, կարծում եմ՝ նա կվաստակի այդ բաղձալի պատվոգիրը։

Նարեկ Մութաֆյանի ֆեյսբուքյան էջից