«Մեր ծուռ հայելիների թագավորությունում» ամենօրյա ռեժիմով բեմադրվող «աննախադեպ» կրկեսային ներկայացումներից հետո, թվում է, կորցրել ենք զարմանալու ունակությունը։

Բայց ո՛չ։ Նիկոլ Նրբանկատը հերթական անգամ հաճելիորեն զարմացրեց իր երկրպագուներին` պատգամավոր Տիգրան Ուրիխանյանին նկատողություն անելով... ոչ ավել, ոչ պակաս, խոսքի հանդեպ անհարգալից վերաբերմունք դրսևորելու համար։

Թե բա` էդ ի՞նչ խոսալու ձև ա..
Ուրեմն`Աժ դահլիճում, փողոցում մարդ ծեծելը, կին պատգամավորներին ասֆալտին փռելը, հրմշտելը, քաշքշելը «ձև ա»։

Ընդդիմադիրներին քրեական ենթամշակույթի լավագույն ավանդույթներով` «գողականով» քլնգելը, բացիլ անվանելը, սպառնալը, վիրավորելը, թաթիկները, տոտիկները կտրելով ահաբեկելը «ձև ա»...
Դատավորներին` «վնգստացողի», իրավապահների տեսադաշտում հայտնված «թշնամական» տարրերին` «շնաբարո դուրսպրծուկի» պիտակ կպցնելը «ձև ա»...

Իսկ ահա հայերենի «մայրիկը», այդ թվում` ԱԺ ամբիոնից, շարունակաբար և կոպտորեն լացացնող վարչահրամայապետի ներկայությամբ թեկուզ զգուշորեն, քաղաքավարի, բայց հեգնախառն տոնայնությամբ խոսելը «ձև չի»` աններելի հանցագործություն է...

Լիլիթ Պողոսյանի ֆեյսբուքյան էջից