Այսօր լրագրողների հետ հանդիպման ժամանակ կոմիտասագետ, կոմպոզիտոր Արթուր Շահնազարյանն ասել է, թե թուրքական երաժշտությունը պարտադրվում է մեզ, թողարկվում է պարտադրված։ «Դրանով հիվանդացնում են հայ հոգին, հայ էությունը: Գնացեք գյուղերն ու համոզվեք, մարդիկ հոգնել են, չեն ուզում լսել այս պարտադրված երաժշտությունը, որ ներկայացնում է մեր հեռուստատեսությունը»,- ասել է կոմպոզիտորը։

Շահնազարյանը հայտնել է, որ ինքն ըստ Կոմիտասի վերծանել է հայկական խազերը, դրանով Սաղմոսավանքում ձայնագրել 12 շարական և նախատեսում է ձայնագրել հինգ ժողովրդական երգեր: «Նարեկացի» արվեստի միության  աջակցությամբ՝ այդ երգերն առանձին ձայնասկավառակով կթողարկվեն և անվճար կբաժանվեն դեղատներից։