Լրահոս

27.06.2020 14:31


Տեղի է ունեցել մեդալի հավակնորդների քննությունը․ համավարակով պայմանավորված՝ հավակնորդները քննություն են հանձնել մեկ առարկայից` «Մաթեմատիկայից»

Տեղի է ունեցել մեդալի հավակնորդների քննությունը․ համավարակով պայմանավորված՝ հավակնորդները քննություն են հանձնել մեկ առարկայից` «Մաթեմատիկայից»

Հանրակրթական դպրոցներից ներկայացված մեդալի հավակնորդները «Մաթեմատիկա» առարկայից կենտրոնացված կարգով պետական ավարտական քննություն են հանձնել ԵՊՀ առընթեր Ա. Շահինյանի անվան ֆիզիկամաթեմատիկական հատուկ դպրոցում: Այս մասին հայտնում է ԿԳՄՍՆ մամուլի ծառայությունը։

Ընդհանուր առմամբ մեդալի 183 հավակնորդներից 92-ը հանձնելու են միասնական քննություն: Մեդալի կենտրոնացված քննության համար հայտ էին ներկայացրել 91 շրջանավարատ: ԵՊՀ առընթեր Ա. Շահինյանի անվան ֆիզիկամաթեմատիկական հատուկ դպրոցում հունիսի 25-ին կազմակերպված քննությանը ներկայացել են 73 շրջանավարտ։

Մեդալի քննություն հանձնողներից 66-ը պահպանել են գերազանզ գնահատականը, իսկ 7 հոգին չեն ստացել 18 և ավելի բարձր միավորներ։ Այժմ ընթանում է բողոքարկման փուլը։

Հիշեցնենք, որ համավարակի պատճառով Հայաստանի Հանրապետութունում հայտարարված արտակարգ դրության պայմաններում որոշում է կայացվել, որ մեդալի հավակնորդները քննություն կհանձնեն մեկ առարկայից` «Մաթեմատիկայից»:

Այս խորագրի վերջին նյութերը