Լրահոս

27.06.2020 22:03


Վիճակը նույն օրը վատացել է, հոսպիտալացվել է․ մանրամասներ ինքնմեկուսացման պայմանը խախտած՝ տաքսու վարորդի դեպքի մասին (տեսանյութ)

Վիճակը նույն օրը վատացել է, հոսպիտալացվել է․ մանրամասներ ինքնմեկուսացման պայմանը խախտած՝ տաքսու վարորդի դեպքի մասին (տեսանյութ)

Ոստիկանությունը մանրամասներ է հաղորդում ինքնմեկուսացման պայմանը խախտած՝ տաքսու վարորդի դեպքի վերաբերյալ։

«Հունիսի 24-ին ոստիկանության Կոտայքի բաժնի ծառայողները տեղեկություններ ստացան, որ կորոնավիրուսով վարակված Աբովյան քաղաքի բնակիչներից մեկը, խախտելով ինքնամեկուսացման պայմանները, իր մեքենայով Աբովյանում տաքսի ծառայություններ է մատուցում։ Կոտայքի ոստիկանները, տեղեկություններն օպերատիվ իրացնելով, հայտնաբերել են 68-ամյա տղամարդուն, որի առողջական վիճակը նույն օրը վատթարացել է, և նա հոսպիտալացվել է մայրաքաղաքի բուժհաստատություններից մեկում։ Մեքենան էլ կնիքվել է և չի շահագործվում։

Դեպքի առթիվ քրեական գործ է հարուցվել արտակարգ իրավիճակի հիմքով հայտարարված արտակարգ դրության ընթացքում մեկուսացման կամ ինքնամեկուսացման, կամ ազատ տեղաշարժվելու իրավունքի այլ սահմանափակումները խախտելու հատկանիշներով, և կատարվում է նախաքննություն։ Միջոցառումներ են ձեռնարկվում նրա ծառայություններից օգտված անձանց հայտնաբերելու ուղղությամբ։

Հարգելի՜ քաղաքացիներ, ևս մեկ անգամ կոչ ենք անում խստագույնս պահպանել հակահամաճարակային կանոնները՝ նոր կորոնավիրուսի հնարավոր տարածումը կանխելու համար՝ գիտակցմամբ, որ դա միակ ճանապարհն է ստեղծված իրավիճակից հնարավորինս անկորուստ դուրս գալու համար։ Այս համատեքստում ոստիկանության տարաբնույթ միջոցառումները շարունակվում են»,-ասված է ոստիկանության հաղորդագրությունում։

Այս խորագրի վերջին նյութերը