Մեր իրականությունը, ոնց որ Կուստուրիցայի «Ընդհատակում» ֆիլմը լինի: Իշխանությունները մարդկանց համոզում են գոտիները ձգել, բայց ինքնապարգևատրվում են, մեզ ամեն օր զբաղեցնում են «կոպեկ-կոպեկ հետ ենք բերելու» ներկայացումով, իսկ իրենք նույն հաճախականությամբ հայտնվում են կոռուպցիոն սկանդալներում: Իսկ ամենադիպուկ համեմատությունը հակահամաճարակային քաղաքականությունն է:

Մեզ՝ հասարակ քաղաքացիւներիս նվազագույն կասկածի դեպքում 14 օր մեկուսացնում են, դիմակ կամ անձնագիր չունենալու համար անխնա տուգանում են, մեռելին 5 հոգով են ստիպում թաղել, իսկ իրենք 6-7 օրում են առողջանում կամ վարակակիրների հետ կոնտակտավորներով ԱԺ նիստ են անում:

Դե արի ու մի կասկածի, որ վիրուսը մենակ սովորական քաղաքացու համար է, որ միտինգ չանի, գույքահարկի դեմ չբողոքի, աշխատատեղ ու աշխատավարձ չպահանջի, մինչդեռ վերևներում կյանքը «եռում» է:

Էդուարդ Սարիբեկյանի ֆեյսբուքյան էջից