«Կիոդո» գործակալությունը, հղում անելով Ճապոնիայի ոստիկանության գլխավոր ազգային վարչության տվյալներին, հաղորդում է, թե ավերիչ երկրաշարժի ու ցունամիի հետևանքով զոհերի թիվը հասել է 11 800–ի։

«ՌԻԱ նովոստի»–ն հայտնում է, որ անհետ կորած է համարվում 15 540 մարդ։

Հիշեցնենք, որ Ճապոնիայի պատմության մեջ ամենաուժեղ՝ 9,0 մագնիտուդ ուժգնությամբ երկրաշարժը տեղի է ունեցել մարտի 11–ին Միյագի ափամերձ շրջանում՝ Տոկիոյից 373 կմ հյուսիս–արևելք, և առաջացրել էր ավելի քան 10 մետր բարձրությամբ ցունամի։ Երկրաշարժից հետո «Ֆուկուսիմա 1» ԱԷԿ–ում վթարների շարք է գրանցվել սառեցման համակարգը շարքից դուրս գալու պատճառով։

7or.am