Կարծիք

06.07.2020 13:56


Այս հարցերի պատասխանները հստակ ցույց կտան կառավարության հանդեպ վստահության իրական մակարդակը

Այս հարցերի պատասխանները հստակ ցույց կտան կառավարության հանդեպ վստահության իրական մակարդակը
Եկեք մի կողմ թողնենք քաղաքականությունը և պարզապես փորձենք պարզաբանել մի շատ կարևոր հարց:
Տեսեք, իշխանությունները միշտ ամեն առիթով ու անառիթ ամեն անկյունում գոռում են, որ վստահություն են ստացել ժողովրդի 80 տոկոսից:
Լավ... հիմա եկեք մի փոքր խորանանք և փորձենք պարզենք վստահության մանդատի այսօրվա իրական պատկերը:
Միայն ընդհանուր հարցեր և բոլորը՝ առանց քաղաքական ենթատեքստի:
Արդյո՞ք ժողովուրդը համամիտ է այն գաղափարախոսության հետ, որը
կառավարությունը քարոզում է կոնկրետ օրինակներով:
1. Համաձա՞յն եք, որ դպրոցներում կրճատեն «Հայ եկեղեցու պատմություն»
առարկան:
Իմ պատասխանը` ոչ
2. Համաձա՞յն եք, որ ներկայիս ծանր սոցիալական իրավիճակում հայկական
բանկերը թողնեն տոկոսադրույքները և վարկավորման պայմանները անփոփոխ:
Իմ պատասխանը` ոչ
3. Համաձա՞յն եք, որ դպրոցներում կամ նախադպրոցական հաստատություններում
երեխաները տեղեկություններ ստանան սեռական կյանքի մասին, կամ դաստիարակվեն
սեռական դաստիարակության տեսության համաձայն:
Իմ պատասխանը` ոչ
4. Համաձա՞յն եք, որ Հայաստանը միանա Լանզարոտի կամ Ստամբուլի կոնվենցիայի
տիպի կոնվենցիաներին:
Իմ պատասխանը` ոչ
5. Համաձա՞յն եք, որ Հայաստանում բարձրանան հասարակական տրանսպորտի գները:
Իմ պատասխանը` ոչ
6. Համաձայն եք, որ Հայաստանում ընդունվեն օրենքներ, որոնք երաշխավորում են
նույնասեռականների կամ սեռական փոքրամասնությունների այլ ներկայացուցիչների
հատուկ իրավունքները:
Իմ պատասխանը` ոչ
7. Համաձա՞յն եք, որ Հայաստանում ավելանա գույքահարկը:
Իմ պատասխանը` ոչ
8. Համաձա՞յն եք այն տուգանքների հետ, որոնք երկրում ներդրվել են վերջերս:
Իմ պատասխանը` ոչ
9. Համաձա՞յն եք, որ արցախյան հիմնախնդրի լուծումը պետք է ընդունելի լինի
ոչ միայն հայ ժողովրդի, այլև ադրբեջանցիների համար:
Իմ պատասխանը՝ արցախյան հիմնախնդրի լուծումը պետք է ընդունելի լինի հայ
ժողովրդի համար, մնացածն ինձ չի հետաքրքրում:
10. Համաձա՞յն եք, որ Հայաստանում իշխանությունները որոշեն, թե որ
քաղաքական ուժն է մասնակցելու ընտրություններին, իսկ ով՝ ոչ:
Իմ պատասխանը` ոչ
...այս հարցերի պատասխանները հստակ ցույց կտան կառավարության հանդեպ
վստահության իրական մակարդակը և մարդկանց իրական վերաբերմունքը իշխող
կուսակցության կողմից տարվող քաղաքականության նկատմամբ:
Արման Աբովյանի ֆեյսբուքյան էջից

Այս խորագրի վերջին նյութերը