Էս ո՞ւր ենք հասել...
Նիկոլի «աչալուրջ» հսկողության տակ փութաջանորեն «բարեփոխվող» թավշյա ոստիկանության երկակի «բարձր» ստանդարտներն առօրյա մի բան են դարձել` ոչ մեկին այլևս չեն զարմացնում։

Ազգային ժողովի մոտ միայնակ «ակցիա» անող իրավապաշտպանին «ափալ-թափալ» բերման են ենթարկում, բողոքի «նստացույց» անող ոչ յուրային պատգամավորներին հրմշտում, քաշքշում, ձեռքերը ոլորում, հեռացնում են դեպքի վայրից, իսկ պապից ավելի կաթոլիկ յուրային գործ տվող դասալիք, դեռ մի բան էլ` «անկախ» պատգամավորը սրտի ուզածի չափ ինքնադրսևորվում է նախագահական պալատի մոտ, և ոչինչ` ոստիկանության պետքը չէ։

ԿԲ-ի մոտ մեն-մենակ բողոքող քաղաքացու «ցույցը» հապշտապ «ցրում» են, բայց որևէ կերպ չեն միջամտում ընդունելության քննությունների արդյունքներից դժգոհ դիմորդների, ծնողների և աջակիցների «զանգվածային» ցույցերին` բացառություն անելով... բացառապես դաշնակցական երիտասարդների համար։

Թե բա` «մենք Ձեզ ճանաչում ենք». հենց հիմա «փասա-փուսաներդ» հավաքեք, գնացե՛ք, թե չէ վատ կլինի...

Մնում է հասկանանք` սա «ժողովրդավարության բաստիոն» նորհայաստանի «ոստիկանական բարեփոխումների» վե՞րջն է, թե՞ վերջի սկիզբը..

Լիլիթ Պողոսյանի ֆեյսբուքյան էջից