Աշխարհ

11.08.2020 14:08


Պուտինի դուստրը պատվաստվել է կորոնավիրուսի դեմ

Պուտինի դուստրը պատվաստվել է կորոնավիրուսի դեմ

Ռուսաստանի նախագահ Վլադիմիր Պուտինը պատմել է, որ իր դուստրերից մեկը պատվաստվել է կորոնավիրուսի դեմ։

Պուտինը խոստովանել է, որ պատվաստումը ստանալուց հետո դուստրը ջերմություն է ունեցել։

«Առաջին պատվաստումից հետո ջերմությունը 38°С էր, հաջորդ օրը՝ 37°С-ից մի փոքր բարձր։ Եվ վերջ»,-ասել է Պուտինը կառավարության անդամների հետ խորհրդակցության ժամանակ։

Նախագահն ավելացրել է, որ դուստրը նաև երկրորդ պատվաստումն է ստացել, որից հետո կրկին ջերմությունը բարձրացել է։

«Բայց հետո ամեն ինչ անցավ։ Նա իրեն լավ է զգում»,-հստակեցրել է Պուտինը։

Ռուսաստանի առաջնորդն ավելացրել է նաև, որ պատվաստումից հետո դստեր մոտ կորոնավիրուսի հակամարմինների քանակը բարձր է։

Կորոնավիրուսի դեմ ռուսական պատվաստանյութը քաղաքացիների համար շրջանառության մեջ կմտնի 2021թ․-ի հունվարի 1-ից։

Աղբյուրը՝ armeniasputnik.am

Այս խորագրի վերջին նյութերը