Կարծիք

09.09.2020 13:56


Թուրք-ադրբեջանական համատեղ մեդիապլատֆորմը ահռելի ճակատ է բացում Հայաստանի, Արցախի և Սփյուռքի համար. խնդիր կա համախմբելու առկա տեղեկատվական ներուժը և ծառայեցնելու համընդհանուր օրակարգին. Տիգրան Աբրահամյան

Թուրք-ադրբեջանական համատեղ մեդիապլատֆորմը ահռելի ճակատ է բացում Հայաստանի, Արցախի և Սփյուռքի համար. խնդիր կա համախմբելու առկա տեղեկատվական ներուժը և ծառայեցնելու համընդհանուր օրակարգին. Տիգրան Աբրահամյան
Թուրքիան և Ադրբեջանը համատեղ մեդիապլատֆորմ են ստեղծում, որի նպատակ, ըստ պաշտոնական պարզաբանումների, անվտանգության ոլորտի սպառնալիքներն են։
Եթե հաշվի առնենք այն հանգամանքը, որ Թուրքիան և Ադրբեջանը վերջին շրջանում արդեն իսկ ձևակերպել են իրենց ընդհանուր օրակարգը արտաքին քաղաքականության, անվտանգության, տնտեսության ուղղություններով, ապա սա Թուրքիա-Ադրբեջան միասնական քաղաքականության տրամաբանության մեջ տեղավորվող հերթական ներդաշնակեցումն է։
Հասկանալի է, որ հիբրիդային պատերազմի դրույթներում առանցքային դեր ունի տեղեկատվական քաղաքականությունը, դա կդիտենք քարոզչական պատերազմի, թե ագրեսիվ տեղեկատվական գործողությունների համատեքստում, կարևոր չէ։
Այս մեդիապլատֆորմի ֆունկցիան ներկայիս պայմաններում հիբրիդային պատերազմում տեղեկատվական ապահովում իրականացնելու համար է, իսկ սահմանային լարվածության կամ մարտական գործողությունների պայմաններում հասկանալի է, որ ապահովելու է մարտական գործողությունների տեղեկատվական բաղադրիչը՝ Թուրքիայի գերակտիվ մասնակցությամբ, ընդհանուր տեղեկատվական ռեսուրսների մոբիլիզացմամբ։
Թուրք-ադրբեջանական այս նախաձեռնությունը ահռելի ճակատ է բացում Հայաստանի, Արցախի և Սփյուռքի համար։ Դա անկասկած առկա էր նաև մինչ այս իրադարձությունը, իսկ այսօր, առավել քան երբևէ, հայկական իրականության մեջ առկա տեղեկատվական ներուժը հնարավորինս համախմբելու և համընդհանուր օրակարգին ծառայեցնելու խնդիր կա։
«Հենակետ» վերլուծական կենտրոն ՀԿ ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանի ֆեյսբուքյան էջից

Այս խորագրի վերջին նյութերը