Քաղաքական

29.09.2020 13:13


Ռուսաստանն ակտիվորեն աշխատում է ղարաբաղյան հակամարտության գոտում դրսից ապակայունացնող ազդեցությունը կանխելու ուղղությամբ. ՌԴ դեսպան

Ռուսաստանն ակտիվորեն աշխատում է ղարաբաղյան հակամարտության գոտում դրսից ապակայունացնող ազդեցությունը կանխելու ուղղությամբ. ՌԴ դեսպան

Ռուսաստանն ակտիվորեն աշխատում է և ակտիվ կապի մեջ է բոլոր՝ հայկական, ադրբեջանական ու թուրքական կողմերի հետ՝ ղարաբաղյան հակամարտության գոտում էսկալացիան դադարեցնելու նպատակով, լրագրողների հետ զրույցում հայտարարել է ՀՀ-ում ՌԴ դեսպան Սերգեյ Կոպիրկինը:

«Ամեն ինչ արվում է, որպեսզի էսկալացիան դադարի, որպեսզի իրավիճակը վերադառնա խաղաղ բանակցային հուն, և կանխվի դրսից ապակայունացնող ազդեցությունը»,-ասել է Սերգեյ Կոպիրկինը:

Նա նշել է, որ փոխզիջումների հիման վրա խաղաղ գործընթացին այլընտրանք չկա:

«Ռուսաստանն ավանդաբար իր խնդիրը տեսնում է նրանում, որ թույլ չտա էսկալացիան, որ որպես միջնորդ պայմաններ ստեղծի փախադարձ ընդունելի խաղաղ որոշում գտնելու համար: Ռուսաստանն անում է ամեն ինչ, այդ թվում՝ Մինսկի խմբի մյուս համանախագահների հետ փոխգործակցությամբ, որպեսզի էսկալացիան դադարի»,-հայտարարել է նա:

Աղբյուրը՝ aysor.am

Այս խորագրի վերջին նյութերը