ՀՅԴ–ն, հնարավոր է, բարձրացնի վարչապետի վստահության հարցը
Այսօր հրավիրված ասուլիսում ՀՀ Աժ «Դաշնակցություն» խմբակցության պատգամավոր Արծվիկ Մինասյանը հայտարարել է, թե երկրի սոցիալ–տնտեսական ներկա վիճակի մեղավորը կառավարությունն է, և տեղեկացրել է, որ երեկ ՀՅԴ խմբակցության անունից պաշտոնապես հարցապնդում է ներկայացվել կառավարությանը՝ վերջինի պատասխանատվության մասին։ Այնտեղ հարց է հնչեցվել, թե կառավարությունն ինչո՞վ է բացատրում ստեղծված իրավիճակը՝ սոցիալ–տնտեսական ձախողումները, արտագաղթի կասեցման ուղղությամբ որևէ որոշակի քայլ չիրականացնելը և այլն, ու բացի համաշխարհային ֆինանսատնտեսական ճգնաժամի հարուցած դժվարություններից՝ սեփական վարքագծի որևէ մեղավորություն տեսնո՞ւմ է, թե՞ ոչ։
ՀՅԴ–ն մտադիր է պահանջել, որ այս գրավոր հարցապնդումը Ազգային ժողովի լիագումար նիստում քննարկվի, ինչը կարող է վարչապետի վստահության հարցի բարձրացման հիմք հանդիսանալ։
–Սպասենք գրավոր պատասխանին, այնուհետև լիագումար նիստում կքննարկվի այդ հարցը, և ամենայն հավանականությամբ, քանի որ մեր կառավարությունն այդքան վճռականություն չունի սեփական սխալները խոստովանելու և ինքնակամ հեռանալու, հավանաբար մենք կդիմենք սահմանադրությամբ նախատեսված գործողությունների,–ասել է Արծվիկ Մինասյանը։
ՀՅԴ–ն, հնարավոր է, բարձրացնի վարչապետի վստահության հարցը
Այսօր հրավիրված ասուլիսում ՀՀ Աժ «Դաշնակցություն» խմբակցության պատգամավոր Արծվիկ Մինասյանը հայտարարել է, թե երկրի սոցիալ–տնտեսական ներկա վիճակի մեղավորը կառավարությունն է, և տեղեկացրել է, որ երեկ ՀՅԴ խմբակցության անունից պաշտոնապես հարցապնդում է ներկայացվել կառավարությանը՝ վերջինի պատասխանատվության մասին։ Այնտեղ հարց է հնչեցվել, թե կառավարությունն ինչո՞վ է բացատրում ստեղծված իրավիճակը՝ սոցիալ–տնտեսական ձախողումները, արտագաղթի կասեցման ուղղությամբ որևէ որոշակի քայլ չիրականացնելը և այլն, ու բացի համաշխարհային ֆինանսատնտեսական ճգնաժամի հարուցած դժվարություններից՝ սեփական վարքագծի որևէ մեղավորություն տեսնո՞ւմ է, թե՞ ոչ։
ՀՅԴ–ն մտադիր է պահանջել, որ այս գրավոր հարցապնդումը Ազգային ժողովի լիագումար նիստում քննարկվի, ինչը կարող է վարչապետի վստահության հարցի բարձրացման հիմք հանդիսանալ։
–Սպասենք գրավոր պատասխանին, այնուհետև լիագումար նիստում կքննարկվի այդ հարցը, և ամենայն հավանականությամբ, քանի որ մեր կառավարությունն այդքան վճռականություն չունի սեփական սխալները խոստովանելու և ինքնակամ հեռանալու, հավանաբար մենք կդիմենք սահմանադրությամբ նախատեսված գործողությունների,–ասել է Արծվիկ Մինասյանը։
7or.am