Լեռնային Ղարաբաղում սպանվել է Սիրիայից 93 վարձկան, նրանցից 53-ի դիերը փոխանցվել են Սիրիա նախօրեին, РИА Новости- ին հայտնել են սիրիական ընդդիմության աղբյուրները:

«Նախօրեին՝ կիրակի, 53 վարձկանի դի է տեղափոխվել Սիրիա... Այսպիսով, սպանված սիրիացի վարձկանների ընդհանուր թիվը 93 է»,-ասել է գործակալության զրուցակիցներից մեկը:

Բացի այդ, ըստ նրա՝ անցած հանգստյան օրերին սիրիացի վարձկանների երրորդ խումբը մեկնել է Ղարաբաղյան հակամարտության գոտի: «Ուղարկվել է 430 մարդ»,-նշել է աղբյուրը:

Սիրիական ընդդիմության մեկ այլ աղբյուր ավելի վաղ РИА Новости-ին հայտնել էր, որ հոկտեմբերի 1-ի դրությամբ Ղարաբաղում է գտնվում «լավ համալրված» սիրիացի 322 վարձկան:

Աղբյուրը՝ aysor.am