Հանրահայտ  «երկխոսությանն»  ուղղված  ՄԻՊ  միջնորդության նախաձեռնությունը  ողջունելի  է, սակայն, մի  շարք  հանգամանքներ  ցույց են տալիս  դրա  ձևականությունը, մասնավորապես, նախաձեռնության  հեղինակը`

. ոչ  միայն    սահմանադրությամբ  սահմանված`    հասարակության      մեջ  բարձր հեղինակություն  վայելող  անձ  չէ, այլ  անճանաչ  է ընդհանրապես, ավելին` ՄԻՊ պաշտոնը  զբաղեցնում  է  ՀՀ  օրենսդրության  պահանջների  կոպիտ  խախտումներով:

Այսինքն, անգամ իրավական  առումով,  պարզ  չէ, թե  ում  հետ  գործ  ունենք:

. ինքն  իր  համար  դեռևս  չի  ճշտել /կամ  ձևացնում  է/ «երկխոսության» սուբյեկտներին, այն  է` միջնորդություն  է  առաջարկում Հայ ազգային կոնգրեսի և խորհրդարանական իշխող կոալիցիայի միջև, սակայն, ողջ  հիմնավորումը ներկայացնում  է  ՀԱԿ-ի  և  իշխանության հակասություններով:

Կամ, ում  պարզ  չէ, որ  որպես  «երկխոսության» կողմեր  հասկացվում  են  պարոններ Լ. Տեր-Պետրոսյանն  ու  Ս.Սարգսյանը,

. անհիմն արձանագրելով, իբր «իրավական իմաստով չափազանց բարդ է անդրադառնալ 2008-ի մարտի իրադարձություններին և դրանց հետևանքներին»,   որևէ  ձևով  չի  անդրադառնում  ՄԻՊ  2008թ.- ի արտահերթ հրապարակային և  տարեկան զեկույցների  արդյունքներին, այդ      թվում, դեռևս  չի  ներկայացնում  իր դիրքորոշումը  բացառիկ հասարակական նշանակություն ունեցող  մարտիմեկյան իրադարձությունների      և  դրանց  հետևանքների, այդ  թվում, ընտրական գործընթացներին  առնչվող  վաղուց  իրականացվող  ապօրինությունների  և այլնի վերաբերյալ: Դժվար  է, անգամ, գուշակել, թե  այս պայմաններում, ինչպես  կարելի  է «մերձեցնել կողմերի  հակասական դիրքորոշումները», չվտանգելով  ՀՀ  քաղաքացուս իրավունքներն  ու  ազատությունները: Ավելի  քան  ակնհայտ  է, որ    «ծայրահեղ հակասական դիրքորոշումներ հաշտեցնող տևական  իրավաբան, նոր  քաղաքական  գործիչ, երիտասարդ իդեալիստ, մասնագետ պրագմատիկ,  մարդասեր, հայրենասեր, ինտելեկտուալ, պետական մտածողությամբ, քրիստոնեական եղբայրասիրությանը, կառուցողական քաղաքական երկխոսությանը և ազգային համերաշխությանը  հավատարիմ», իրեն  գովերգողի այս  «մի քանի առավելություններն», այդ  թվում, այս  ուղղությամբ  հայաստանցուս  իրավունքների պաշտպանության  հարցերում  իր  տարրական  քաղաքացիական  պարտքը  չկատարած «հայրենակցի»  ի  պաշտոնե  այս  պոռթկումը  որևէ  վստահություն  չի  կարող առաջացնել  և  նսեմացնելու  է այդ  «երկխոսության» իմաստը:

Ռուբեն Թորոսյան

«Ընդդեմ  ՀՀԿ  ապօրինությունների» համահայկական  կոմիտեի համակարգող