Լրահոս

03.05.2011 11:18


Պակիստանի նախագահը հայտարարել է, որ իրենք չեն մասնակցել Ուսամա բեն Լադենի սպանությանը

Ինչպես հաղորդում է «BBC»–ն, Պակիստանի նախագահ Ասիֆ Ալի Զարդարին «Washington Post»–ի սյունակում գրել է, թե Ուսամա բեն Լադենի սպանությունը Պակիստանի և ԱՄՆ–ի համատեղ գործողությունը չի եղել, և Պակիստանի իշխանություններն էլ  տեղյակ չեն եղել, թե որտեղ էր գտնվում «Ալ Քաիդայի» ղեկավարը։

–Սա ԱՄՆ–ի և Պակիստանի համատեղ գործողությունը չէր, բայց ԱՄՆ–ի և Պակիստանի տասնամյա շարունակական համագործակցությունը բերել է Ուսամա բեն Լադենի սպանությանը, որը քաղաքակիրթ աշխարհին վտանգ  էր սպառնում,–գրել է Պակիստանի նախագահը։

Հիշեցնենք, որ երեկ «Թալիբան» խմբավորման ներկայացուցիչները խոստացել էին, որ իրենք վրեժ են լուծելու «Ալ Քաիդայի» ղեկավար Ուսամա բեն Լադենի սպանության համար, և որ շարժման առաջին թիրախը լինելու է Պակիստանի  նախագահ Ասիֆ Ալի Զարդարին և բանակի ներկայացուցիչները։

Այս խորագրի վերջին նյութերը