Դերասան Քոլին Ֆըրթը հայտնել է, որ չի կարողանում դադարել կակազելուց, ինչը նրա մոտ սկսվել էր Թոմ Հուպերի «Արքայի խոսքը» ֆիլմում Ջորջ VI–ի դերի վրա աշխատելու ժամանակ։ Այս մասին հաղորդում է «The Daily Telegraph»–ը։

Հուպերի ֆիլմը պատմում է այն մասին, թե ինչպես Ջորջ VI–ը լոգոպեդ Լայոնել Լոգի օգնությամբ հաղթահարեց կակազելն ու անվստահությունը։ Դերասանի խոսքերով՝ հիմա կակազելը պարբերաբար «վերադառնում է», օրինակ՝ հենց հարցազրույցների ժամանակ։

«Արքայի խոսքը» ֆիլմն առաջադրվել է 12 անվանակարգերում և հաղթել նրանցից չորսը՝ լավագույն ֆիլմ, լավագույն դերակատար, ռեժիսուրա և սցենար։