Ինչպես հաղորդում է «BBC»–ն, ՆԱՏՕ–ն հայտարարել է, որ մարտի 31–ից՝ այն օրվանից, երբ դաշինքն իր  վրա է վերցրել Լիբիայում գործողությունների  պատասխանատվությունը, արդեն 6 000 օդային հարված է իրականացվել։

ՆԱՏՕ–ի հայտարարած  նպատակն այն է, որ փակի Լիբիայի օդային տարածքը Քադաֆիի  օդուժից, որպեսզի  նա չկարողանա հարվածներ  հասցնել  ապստամբների և խաղաղ բնակչության ուղղությամբ, ինչպես նաև արգելք հանդիսանա Քադաֆիի զորքերին զենքի մատակարարմանը։

Ինչպես հաղորդում են դիտորդները, ՆԱՏՕ–ի օդուժն այսքան ժամանակ օգնել է Լիբիայի ապստամբներին ամրանալ արևելյան հենակետերում և պաշտպանվել լիբիական իշխանությունների հարձակումներից, սակայն անհասկանալի է, թե ինչպես են երկրի արևմտյան հատվածում Մուամար  Քադաֆիի դիրքերի վրա աղզդել  ռմբակոծությունները։