Միջազգային կոալիցիայի մամլո ծառայությունը հայտնել է, որ Լիբիայում «Միացյալ պաշտպան» գործողությունն իրականացնելու ժամանակ ՆԱՏՕ–ի երկրների ինքնաթիռները չորեքշաբթի կատարել են 141 թռիչք, այդ թվում 46 ռազմական՝ ոչնչացնելով լիբիական բանակի հակաօդային պաշտպանության 7 հրթիռային կայանք, զինամթերքի 4 պահեստ և  հրամանատարավերահսկողական 4 կետ։

Ընդհանուր առմամբ` մարտի 31–ից, երբ գործողության իրականացումն անցավ ՆԱՏՕ–ի հրամանատարության տակ, Լիբիայի օդային տարածքում ոչ թռիչքային գոտու ապահովման նպատակով կատարվել է 6232 թռիչք, որոնցից 2460–ը` ռազմական։

Լիբիային զենք տրամադրելու արգելքի վերահսկողության համար չորեքշաբթի միջերկրական ծով է մտել ՆԱՏՕ–ի 20 նավ։ «ՌԻԱ նովոստի» գործակալությունը փոխանցում է, որ գործողության սկսբից ի վեր դաշինքի զինվորականները ստուգման նպատակով կանգնեցրել են 899 նավ։