«ԱՊԱ» գործակալությունը հաղորդում է, որ ՆԱՏՕ–ի գլխավոր քարտուղար Անդերս Ֆոգ Ռասմուսենն ասել է, թե ՆԱՏՕ–ի համար շատ կարևոր է Հարավային Կովկասի անվտանգության հարցը։

Այցով ԱՄՆ–ում գտնվող Ռասմուսենը «սառեցված հակամարտությունները» Կովկասի անվտանգության պոտենցիալ սպառնալիք է համարել։ Նա նշել է, որ ՆԱՏՕ–ն ու իր դաշնակիցները, այդ թվում՝ ԱՄՆ–ը և Ռուսաստանը, փորձում են խաղաղություն և կայունություն հաստատել տարածաշրջանում։

«Սպառնալիքների վերացման միակ ուղին պետությունների ու կազմակերպությունների միջև լայն համագործակցությունն է։ Մենք լայն հնարավորություններ ունենք անվտանգություն ապահովելու ոչ միայն Եվրոպայում, այլև ողջ եվրաատլանտյան տարածաշրջանում, այդ թվում և Կովկասում։ ԱՄՆ–ը կարող է դառնալ այդ գործընթացի առաջատար ուժը»,–ասել է ՆԱՏՕ–ի գլխավոր քարտուղարը։