Հայաստանի նախագահ Սերժ Սարգսյանը հարցազրույց է տվել «Московские новости» թերթին, որում Ադրբեջանին մեղադրել է ղարաբաղյան հակամարտության կարգավորումը ձգձգելու  համար։

Նրա խոսքերով՝ խնդիրը կարող է լուծվել միայն փոխզիջումների հիմքի վրա։

–Բայց կա կարմիր գիծ. Լեռնային Ղարաբաղը պետք է ի՛նքը տնօրինի իր ճակատագիրը և հնարավորություն ունենա անվտանգ զարգանալու,–ասել  է նա։

Այնուհետև իր  հարցազրույցում Սերժ Սարգսյանն ընդգծել է, որ հարցի լուծման վերաբերյալ ԵԱՀԿ Մինսկի խմբի  առարկած փաստաթուղթը  հիմնված է երեք սկզբունքների վրա՝ ուժի կամ ուժի սպառնալիքի չկիրառում, տարածքային ամբողջականության սկզբունք և ազգերի ինքնորոշման իրավունք։

Հայաստանի նախագահը հերթական անգամ հայտարարել է, որ հայկական կողմի համար երեքից ամենակարևորն ազգերի ինքնորոշման սկզբունքն է՝ մերժելով Ադրբեջանի  առաջարկը՝ ինքնորոշում տալ Ադրբեջանի  տարածքային ամբողջականության շրջանակներում։