Ինչպես հաղորդում է «ԱՊԱ» գործակալությունը, Օրթա Անադոլու արտահանողների միության զեկույցում ասված է, որ  այս տարվա հունվար–ապրիլ ամիսներին Թուրքիան Ադրբեջանին 20 մլն. դոլարի սպառազինություն և զինամթերք է վաճառել։

Զեկույցում նաև նշված է, որ  այս տարվա առաջին  4 ամիսներին Թուրքիան 20 մլն դոլարի սպառազինություն և զինամթերք է արտահանել Սաուդիան Արաբիա, իսկ 10 մլն դոլարի՝ ԱՄՆ։

Ցուցակի առաջին երեք տեղն են զբաղեցնում  Ադրբեջանը, Սաուդիան Արաբիան և  ԱՄՆ–ը։ Նրանց հաջորդում են Լիբանանը, Բելգիան, Ռուսաստանը, Իտալիան, Միացյալ Արաբական Էմիրությունները և Պորտուգալիան։  Բացի դա, համաձայն թուրքական «МКЕК» ընկերության տարածած հաղորդագրության՝ 2010թ. էլ Թուրքիան Ադրբեջան է արտահանել 299 505,2 հազ. ԱՄՆ դոլարի զինամթերք։