Այսօր տեղի ունեցած «Արդար դատաքննության իրավունք» ֆորումի ժամանակ ՀՀ մարդու իրավունքների պաշտպան Կարեն Անդրեասյանը հայտնել է, որ 2011թ. հունվարի 1-ից ՀՀ մարդու իրավքունքների պաշտպանն ունի կարգապահական վարույթ հարուցելու դիմում ներկայացնելու լիազորություն:

Նա նաև ավելացրել է, որ անկախ դատարան նշանակում է անկախություն վերադասից և հարևան-բարեկամներից, իսկ այսօր դատավորներն իրենց անկախ են զգում օրենքից։

–Ո՞վ է դատելու դատավորներին, երբ ոչ ոք լիազորված չէ վերահսկել դատարանների աշխատանքը: Արդարադատության խորհուրդն այսօր հանրային որոշակի հսկողության մեխանիզմ է, որի մեծամասությունը կազմված է դատավորներից,-հայտարարել է նա։