Լրագրողների հետ  հանդիպման ժամանակ ԱԺ պատգամավոր Վարդան Խաչատրյանը, անդրադառնալով ՀԱԿ–իշխանություն երկխոսությանն ու պատասխանելով հարցին, թե հնարավո՞ր է, որ  այն վաղուց ծրագրված  քայլ էր, և ՀԱԿ–իշխանություն դաշինք ձևավավորվի, ասել է, թե քաղաքականության մեջ որևէ բան բացառել չի կարելի։

–Սա աքսիոմա է: Վաղուց կանխատեսված և այլն քայլերը հատուկ են միայն գերտերություններին: Մի հատ հարց տանք, էլի` ուժերի միջև հարաբերություններն այնքան կայո՞ւն են, որ կարող ենք տարիների հեռավորությամբ ծրագրեր կազմել: Այժմ կարելի է բնութագրել որպես խառնակ ժամանակաշրջան: Խառնակ իրավիճակը  հասարակության մեջ է: Գոյություն ունեցող էլիտայի` միմյանց գցելու շրջանն է: Այդ խուրձը ձևավորվում է բարոյական անձանց միջոցով: Դա կարևորագույն գործընթաց է`  քաղաքական դաշտ պետք է բերվի այլընտրանք,–ասել է նա:

Ըստ Վարդան Խաչատրյանի՝ ՀԱԿ-ի և  ՀՀԿ-ի համագործակցությունը կարժանանա ժողովրդի վատ վերաբերմունքին:

–Եթե ժողովրդի մեջ կայացավ այն տեսլականը, որ այս ուժը գնալու է իշխանության հետ համագործակցության, ապա վատ կանդրադառնա ՀԱԿ-ի համար: Քաղաքական-հասարակական ընթացքի մեջ տեսնում եմ այլ ուժի ձևավորումը: Երրորդ ուժի պահանջը կա,–ասել է նա:

Ըստ Վարդան Խաչատրյանի՝ այսօր երրորդ ուժի ձևավորման գործընթաց կա, սակայն այն դեռևս չի կայացել։

–Մեր երկրում հասարակությունը տաքարյուն է, և այդ ձևավորվող նոր  ուժը մի քանի  ամսում կարող է թափ հավաքել,–ընդգծել է նա։

7or.am