ՀՀ վարչապետ Տիգրան Սարգսյանն իր երկու երեխաների հետ վերջերս հաճախ է հայտնվում հասարակական վայրերում, և այդ ամենը նկարահանվում ու տարածվում է։ «7օր»–ի թղթակիցը Տիգրան Սարգսյանից հետաքրքրվել է, թե ի՞նչ նպատակ է դրանով նա հետապնդում, արդյոք այդ կերպ նա ցանկանում է հասարակության շրջանում իր վարկանի՞շը բարձրացնել։

–Իսկ Դուք դե՞մ եք, որ ես իմ վարկանիշը բարձրացնեմ։ Ես աշխատում եմ իմ վարկանիշի վրա. ցանկացած պետական քաղաքական գործիչ պարտավոր է մտածել իր վարկանիշի մասին, պարտավոր է լինել բաց, հրապարակային։ Ամեն մեկը հրապարակայնության իր ձևն է նախընտրում, ես էլ ունեմ ի՛մ ձևը,–պատասխանել է Տիգրան Սարգսյանը։

7or.am