Լրագրողների հետ հանդիպման ժամանակ ԵԽԽՎ հայաստանյան պատվիրակության նախկին ղեկավար, ՀՀՇ վարչության անդամ Հովհաննես Իգիթյանը հայտարարել է, որ այսօր նորմալ, արտահերթ, մեկ ժամ շուտ ընտրություններ կազմակերպելը օգուտ է երկրին:

–Ժողովուրդն ամեն օր հիասթափվում է ոչ միայն իշխանություններից, այլև քաղաքական պայքարից։ Եվ երբ նրանք հիասթափվում են, կորցնում են ոչ միայն հավատը պետության կամ իշխանության հանդեպ, այլ վաղվա օրվա հույսը,–ասել է նա:

«7օր»–ի հարցին, թե կլինե՞ն արտահերթ ընտրություններ, նա պատասխանել է, որ արտահերթ ընտրություններ կլինեն այն ժամանակ, երբ իշխանությունները հասկանան, որ անհնար է այլևս այսպես։

Հարցին՝ իշխանություններն այդքան խոհե՞մ են, որ հասկանան, Հովհաննես Իգիթյանը  պատասխանել է՝ ո՛չ։

7or.am