«ՌԻԱ նովոստի»–ն գրում է, որ «Մեծ ութնյակի» հաջորդ գագաթաժողովը տեղի կունենա 2012–ին ԱՄՆ–ում՝ ըստ ֆրանսիական Դովիլ քաղաքում ընթացող ներկա գագաթաժողովի արդյունքների ժամանակ ընդունված հայտարարության։

«Մեծ ութնյակն» առաջատար արդյունաբերական զարգացած ժողովրդավարական երկրների առաջնորդների ոչ պաշտոնական համաժողովն է, որին մասնակցում են Ռուսաստանը, ԱՄՆ–ը, Մեծ Բրիտանիան, Ֆրանսիան, Ճապոնիան, Գերմանիան, Կանադան, Իտալիան, ինչպես նաև ներկայացված է և լիակատար կերպով մանակցում է Եվրամիությունը։

Ութնյակի մասնակից երկրներին բաժին է ընկնում համաշխարհային արտահանման 49%–ը, արդյունաբերական արտադրության 51%–ը և Արժույթի միջազգային հիմնադրամի ակտիվների 49%–ը։