Զեմֆիրայի երկրպագուները միշտ ցանկություն են ունեցել, որ նա Երևանում հանդես գա համերգով։ Դրա մասին մտածել ու երազել են շատերը։ Թերևս հենց այս մեծ ցանկությունն է մի խումբ երիտասարդների ստիպել համախմբվել Զեմֆիրային Հայաստան բերելու գաղափարի շուրջ։ Այս նպատակով «Ֆեյսբուք» սոցիալական ցանցում ստեղծվել է «Требуем Земфиру в Армению» խումբը, որը նպատակ ունի մի տեղ համախմբել Զեմֆիրայի արվեստի սիրահարներին և քայլեր ձեռնարկել այդ ուղղությամբ։ Խումբը նաև նպատակ ունի պարզելու, թե քանի հոգի է պատրաստ տոմս գնել Երևանում կայանալիք Զեմֆիրայի համերգին ներկա գտնվելու համար։ Այս պահի դրությամբ խմբում 3251 մարդ կա։

Օրեր առաջ խմբի ակտիվիստները «Требуем Земфиру в Армению» ծրագրի շրջանակներում Երևանի «FriendsBar»–ում կազմակերպել էին «Zemfira party», որի ընթացքում ցուցադրվել է Զեմֆիրայի մասին ֆիլմն ու կատարվել են (կենդանի երաժշտություն) նրա երգերը։

Խմբի անդամները դիմել էին համապատասխան կազմակերպությանն  ու ատյաններին, որոնք էլ արդեն կապվել են երգչուհու մենեջերների հետ, և այժմ բոլորը սպասում են նրա պատասխանին։

7or.am