Ինչպես հաղորդում է «BBC»–ն, «Ռոստուրիզմ» կազամկերպության մամլո հաղորդագրությունում ասված է, որ Մոսկվայում Թուրքիայի դեսպանատան մշակույթի և զբոսաշրջության հարցերով խորհրդական Ջեյլալ Քիլիչը հայտարարել է, թե Թուրքիայի դատախազությունը Բոդրում առողջարանի  զոբսանավի վրա ռուս զբոսաշրջիկների թունավորումը գնահատել է որպես կանխամտածված  սպանություն։

Դիվանագետն ընդգծել է, որ  նման հանցագործության համար  խստագույն պատիժ է նախատեսվում։

–Այստեղ խոսքը հասարակ թափթփվածության կամ անպատասխանատվության հետևանքով փչացած  մթերքից թունավորման մասին չէ։ Նա, ով ալկոհոլային խմիչքի մեջ մեթանոլ է լցրել, գիտեր, որ թույն է ավելացնում, և  հանրավոր է՝ մարդիկ զոհվեն։ Այդ մարդը կամ մարդիկ ներման արժանի չեն,–ասել է Քիլիչը։

Հիշեցնենք, որ Թուրքիայի մի զբոսանավի վրա մայիսի 27–ի գիշերը ռուս զբոսաշրջիկները թունավորվել էին  անորակ ալկոհոլից։ Մահացել  էր չորս զբոսաշրջիկ, իսկ 20–ը ծանր  վիճակում տեղափոխվել է հիվանդանոց։

Թուրքիայի դեսպանատան ներկայացուցիչը հերքել է այն տեղեկատվությունը, թե Թուրքիան այս կերպ փորձում է թաքցնել հանցագործության հետքերը և նվազեցնել հասարակության արձագանքի ուժգնությունը։

Նա նաև  հերքել  է այն տեղեկատվությունը, թե կասկածյալները ազատ են արձակվել ոստիկանական բաժանմունքներից՝ ապացույցների  բացակայության պատճառով։

Բացի դա, նա  հաղորդել է, որ Թուրքիայի մշակույթի և զբոսաշրջության նախարարությունն իր վրա է վերցրել հյուրանոցային և զբոսաշրջային կենտրոնների, ինչպես նաև զբոսաշրջային քաղաքների ալկոհոլային խմիչքների մատակարարման ու տարածման պատասխանատվությունը։