Քաղաքական

09.06.2021 11:31


Բուկլետ բաժանողը, միջոցառումների ժամանակ հացի վրա հարձակվողը հենց Փաշինյանն է․ Սեյրան Օհանյան․ «Հրապարակ»

Բուկլետ բաժանողը, միջոցառումների ժամանակ հացի վրա հարձակվողը հենց Փաշինյանն է․ Սեյրան Օհանյան․ «Հրապարակ»

«Ռոբերտ Քոչարյանի գլխա­վորած «Հայաստան» դա­շինքը երկու օր շարունակ Սյունիքի մարզում էր: Հունիսի 7-ին՝ Ագարակ, Մեղրի, Կապան, երեկ էլ Գորիս էին հասել: Քարոզարշավի ընթացքում մենք փորձեցինք հարց ուղղել Ռոբերտ Քոչարյանին՝ ԳՇ նախկին պետ Օնիկ Գասպարյանի վերաբերյալ, ում մասին Նիկոլ Փաշինյանն ասել էր, թե իր կողմից գեներալի ուսադիրներ ստացածը դարձել է Քոչարյանի բուկլետ բա­ժանողը Տավուշում:

Բայց Քոչարյանը չկարողացավ պահ գտնել՝ մեր հարցերին պա­տասխանելու, փոխարենն այս թե­մայով մի քանի հարց ուղղեցինք «Հայաստան» դաշինքի անդամ, պաշտպանության նախկին նախա­րար Սեյրան Օհանյանին:

- Պարո՛ն Օհանյան, ճի՞շտ է, որ Օնիկ Գասպարյանը Տավուշում աջակցում է «Հայաստան» դա­շինքին:

-Ես այդ մասին տեղե­կություն չունեմ, որովհետև Օնիկ Գասպարյանի հետ այս քաղաքա­կան գործընթացների շրջանակում չեմ հանդիպել:

-Նիկոլ Փաշինյանը նրան հեգնում էր, թե դարձել է Ռոբերտ Քոչարյանի բուկլետ բաժանողը Տավուշում:

ւրեմն, Նիկոլ Փաշինյանն իրավունք չունի այդպիսի կարծիք հայտնելու: Բուկլետ բաժանողը, փողոցներում քայլողը, տարբեր միջոցառումների ժամանակ սննդի, հացի վրա հարձակվողը, ակնհայտ երևում է, որ ինքն է: Եվ երկրորդը՝ որևիցե մի գեներալ Նիկոլ Փա­շինյանի գրպանի գեներալը չէ:

-Բայց Փաշինյանն այնպես է ներկայացնում, ասես ինքն է այդ գեներալներին ծնել, ասում է, որ ինքն է նրանց գեներալ-լեյտենանտի, գեներալ-գնդապետի կոչում շնորհել, ու հիմա նրանք դուրս են եկել իշխանության դեմ:

-Այսինքն՝ նա արժանի չի եղել, որ ինքը շնորհել է գեներալ-գնդապետի կոչում: Եթե արժանի չի եղել, ու ինքը շնորհել է, ուրեմն ՀՀ վարչա­պետը հանցագործ է, որ անարժան մարդկանց է շնորհել: Իսկ եթե շնորհել է արժանի մարդկանց, իսկ Օնիկ Գասպարյանը և շատ այլ գեներալներ բանակի ակունքնե­րում կանգնած մարդիկ են, Նիկոլ Փաշինյանն իր ռազմական և կա­ռավարման գիտելիքներով շատ փոքր մարդ է, որ հասնի նրանց: Իսկ արժանիները կարող են իրենց կարծիքը համարձակ արտահայտել ցանկացած տեղում:

-Դուք նորմա՞լ եք վերաբերվում նրան, որ Օնիկ Գասպարյանն աջակցում է ձեր թիմին:

-Իհարկե, նորմալ եմ վերա­բերվում, ինքը մեր ծառայակից և մարտական ընկերներից է, և ես նրան հարգում եմ:

-Բայց Օնիկ Գասպարյա­նի շուրջ բազմաթիվ հակասական կարծիքներ կան, որ նա ևս իր մեղքի բաժինն ունի պատե­րազմում կրած պարտության մեջ:

-Ես գտնում եմ, որ Օնիկ Գասպարյանը մեր լավագույն զորա­միավորման հրամանատարներից է եղել: Մնացածի մասով ես որևիցե տեսակետ չեմ կարող արտահայտել, որովհետև ես Օնիկ Գասպարյա­նի ղեկավարը չեմ եղել: Իսկ Օնիկ Գասպարյանի ղեկավարը պատե­րազմի ժամանակ այդ իրավունքը չի ունեցել, որովհետև ինքը երկի­րը ղեկավարել է ոտքի վրա, ձեռքի հետ:

-Իսկ չե՞ք կարծում, որ Օնիկ Գասպարյանն ինչ-որ տեղ թույլ է տվել իր հետ այսպես խոսել, քանզի եթե նա ժամանակին կոնկրետ քայլեր ձեռնարկեր, գուցե այսօր Փաշինյանը նրա հասցեին այսպես չխոսեր:

- Այդ հարցերը Դուք կարող եք համարձակ ուղղել նույն Նիկոլ Փաշինյանին և Օնիկ Գասպարյանին»,-գրում է թերթը։

Նյութն ամբողջությամբ կարդացեք թերթի այսօրվա համարում։

Այս խորագրի վերջին նյութերը