Մոտ մեկ ու կես ժամ առաջ «Գարեգին Նժդեհ» մետրոյի կայարանում ոստիկաններն ընկել են մի տղամարդու հետևից ու կրակ բացել:

Քաղաքացիների խուճապին ի պատասխան՝ ոստիկանները պատասխանել են, որ նա հանցագործ է: Ականատեսների պնդմամբ՝ տղամարդը սպանվել է, սակայն, ինչպես «7օր»–ին տեղեկացրել է ոստիկանության հասարակայնության ու լրատվության հետ կապերի բաժնի աշխատակից Արմեն Մալխասյանը, տղամարդը չի մահացել. նա վիրավոր է ու տեղափոխվել է «Էրեբունի» բժշկական կենտրոն։

Նա նաև հաստատել է, որ տվյալ անձը կասկածվում է հանցագործության մեջ։ Թե հատկապես ի՞նչ հանցագործության մեջ է կասկածվում անձը, Ա. Մալխասյանը չի մանրամասնել։

–Տեղում աշխատում է օպերատիվ քննչական խումբ,– նշել է նա։

«Գարեգին Նժդեհ» մետրոյի կայարանն ամբողջությամբ շրջափակված է, մետրոյի աշխատանքն էլ՝ դադարեցված։

7or.am