Քաղաքական

06.07.2021 12:48


Ադրբեջանցի սահմանապահները 13-ամյա հայ երեխայից անասուններ են տարել

Ադրբեջանցի սահմանապահները 13-ամյա հայ երեխայից անասուններ են տարել

Քիչ առաջ «Հրապարակը» ահազանգ ստացավ Սյունիքի մարզի Տեղ համայնքի Խնածախ գյուղից, որտեղ առավոտ կանուխ ադրբեջանցի սահմանապահների մասնակցությամբ տհաճ միջադեպ է գրանցվել: Համայնքի բնակիչներից պատմեցին, որ հակառակորդի զինվորները 13-ամյա հովիվից խլել են 3 կով: Երեխան անմիջապես դիմել է գյուղացիներին, պատմել իր հետ կատարվածը: Տեղեկությունը ճշտելու համար փորձեցինք կապվել Տեղի համայնքապետ Ներսես Շադունցի հետ, ինչը չհաջողվեց: Մանրամասներ պարզեցինք Տեղի համայնքապետի մամուլի խոսնակ Արևիկ Աբելյանից:

Վերջինս ասաց, որ միջադեպ, այո, գրանցվել է, դեպքը տեղի է ունեցել առավոտյան ժամը 6-ի սահմաններում, իսկ արդեն 6 անց կես համայնքապետ Ներսես Շադունցը կապ է հաստատել առաջին բանակային կորպուսի և ռուս խաղաղապահների հետ, որից հետո հաջողվել է խոշոր եղջերավորներին հետ վերադարձնել: Մամուլի խոսնակը դժվարացավ ասել՝ երեխային վախեցրել են, թե ոչ, բայց հավանական է, որ անասուններն են հատել սահմանը, որից էլ փորձել են օգտվել ադրբեջանցի սահմանապահները:

Այս խորագրի վերջին նյութերը