ԱՄՆ դեսպանատան հասարակայնության հետ կապերի ղեկավար Թերի Դևիդսոնը մեկնաբանել է Բաքվում ԱՄՆ–ի և Մեծ Բրիտանիայի քաղաքացուհիներ, լրագրողներ Ամանդա Էրիքսոնի և Սիլվիա Դևիսի վրա հարձակումը։ Նա ասել է, թե ԱՄՆ դեսպանատունը տեղի ունեցածը դիտարկում է որպես հարձակում ոչ թե լրագրողների, այլ կանանց վրա, որպես հանցագործություն։ Թերի Դևիդսոնի ենթադրությամբ՝ հարձակումը կարող էր գողության, սեռական բռնության կամ էլ այլ նպատակով արված լինել։ Չի բացառվում նաև, որ դա որոշ ուժերի սադրանք է եղել։ Փաստի առիթով հետաքննություն է կատարվում։