Հունիսի 19–ին Իրանի Իսլամական Հանրապետության նախագահ Մահմուդ Ահմադինեջադը զանգահարել է Ադրբեջանի նախագահ Իլհամ Ալիևին։ Հեռախոսազրույցի ընթացքում այդ երկրների նախագահները երկկողմ հարաբերությունների վերաբերյալ մտքեր են փոխանակել։ Քննարկել են նաև տարածաշրջանային անվտանգությանն ու ահաբեկչության դեմ պայքարին վերաբերող հարցեր։ Ավելի վաղ, Ահմադինեջադն Ալիևին հրավիրել էր մասնակցելու հունիսի 25–26–ին Թեհրանում կայանալիք՝ միջազգային ահաբեկչության դեմ պայքարին նվիրված խորհրդաժողովին։

Նշենք, որ նույն օրը Իրանի նախագահը հեռախոսազրույց է ունեցել նաև ՀՀ նախագահ Սերժ Սարգսյանի հետ։

7or.am