Աննա Դանիբեկյանը որոշեց ԱԺ նիստերին մասնակցող Արմեն Գևորգյանին բերման ենթարկել դատարան․ նիստը հետաձգվեց մինչև օգոստոսի 17-ը՝ ժամը 13։00-ն (տեսանյութ)

● Քաղաքական

10.08.2021 ● 14:15

Աննա Դանիբեկյանը որոշեց ԱԺ նիստերին մասնակցող Արմեն Գևորգյանին բերման ենթարկել դատարան․ նիստը հետաձգվեց մինչև օգոստոսի 17-ը՝ ժամը 13։00-ն (տեսանյութ)

Աննա Դանիբեկյանը որոշեց ԱԺ նիստերին մասնակցող Արմեն Գևորգյանին բերման ենթարկել դատարան

Երևան քաղաքի ընդհանուր իրավասության դատարանը կրկին մեկ շաբաթով հետաձգեց ԵԴ/0253/01/19 գործով քննությունը։

Նախկին փոխվարչապետ Արմեն Գևորգյանի պաշտպան Էրիկ Ալեքսանյանը միջնորդեց հետաձգել նիստը՝ նշելով, որ իր պաշտպանյալն այժմ հանդիսանում է 8-րդ գումարման ԱԺ պատգամավոր և մասնակցում է օգոստոսի 2-ին մեկնարկած նստաշրջանին․ օբյեկտիվորեն նա հնարավորություն չունի ներկայանալ դատական նիստին։

Ալեքսանյանը նաև տեղեկացրեց, որ Արմեն Գևորգյանը, «Հայաստան» խմբակցության որոշմամբ, առաջադրվել է ԱԺ տարածաշրջանային և եվրասիական ինտեգրման հարցերի մշտական հանձնաժողովի նախագահի թեկնածու: Ներկայումս ԱԺ-ում ընթանում է մշտական հանձնաժողովների նախագահների ընտրությունների գործընթացը։ Բացի այդ, «Հայաստան» խմբակցությունը դիմում է ներկայացրել ՍԴ՝ պատգամավորի անձեռնմխելիության հարցի կապակցությամբ։

Դատարանը ոչ հարգելի համարեց Արմեն Գևորգյանի բացակայությունը, իսկ մեղադրող դատախազ Պետրոս Պետրոսյանը միջնորդեց դատավարական հարկադրանքի միջոց կիրառել և Գևորգյանին բերման ենթարկել հաջորդ դատական նիստին։ Պաշտպան Ալեքսանյանը հիշեցրեց, որ ներկայումս Արմեն Գևորգյանն ունի նոր կարգավիճակ․ նա անձեռնմխելի է, և հարկադրանքի որևէ միջոց առանց ԱԺ-ի թույլտվության իր նկատմամբ չի կարող կիրառվել։

ՀՀ երկրորդ նախագահ Ռոբերտ Քոչարյանն, իր հերթին, ընդգծեց, որ ԱԺ-ում ընթացող նիստերը նախատեսված են Սահմանադրությամբ և մեկ անձի որոշմամբ չեն նշանակված։ Բացի այդ, խորհրդարանում նախատեսվում են քվեարկություններ, իսկ ԱԺ փոխխոսնակի ընտրությունները ցույց տվեցին, որ նույնիսկ մեկ անձի բացակայությունը կարող է որոշիչ դեր խաղալ։ «Եթե սա դառնա դատական պրակտիկա, ապա լուրջ քաղաքական գործընթացների վրա ազդեցություն ունենալու մեխանիզմ կարող է դառնալ»,-ասաց Ռոբերտ Քոչարյանն՝ առաջարկելով տարանջատել ԱԺ և դատարանի նիստերի օրերը։

Դատավոր Դանիբեկյանը հայտարարեց, որ անհրաժեշտ է միջոցներ ձեռնարկել հաջորդ դատական նիստին Արմեն Գևորգյանի ներկայությունն ապահովելու համար և որոշեց նախկին փոխվարչապետին հաջորդ նիստին բերման ենթարկել դատարան։

Այսօրվա դատական նիստը հետաձգվեց մինչև օգոստոսի 17-ը՝ ժամը 13։00-ն։

● Այս խորագրի վերջին նյութերը

Փակվեց դեպի Էջմիածին տանող ճանապարհը (տեսանյութ)

26.04.2024 ● 12:05

Այս պահին փակ է Էջմիածին տանող ճանապարհը։

«Հողատո՛ւ», «Նզովյա՛լ», «Դավաճա՛ն». պաստառներ՝ Երևանի վարչական շրջաններում

26.04.2024 ● 11:50

Երևանիցները այս գրություններով պաստառներ են փակցրել Երևանի վարչական շրջաններում։

Երևան-Սևան ավտոմայրուղու վրա պարեկները կանգնեցնում են բոլոր բեռնատարները` արգելելով մուտք գործել Երևան (տեսանյութ)

26.04.2024 ● 11:18

Երևան-Սևան ավտոմայրուղու վրա պարեկները կանգնեցնում են բոլոր բեռնատար մեքենաներին` արգելելով նրանց մուտք գործել Երևան:

Մամիկոն Ասլանյանը կմնա կալանքի տակ

26.04.2024 ● 11:06

Նախագահող դատավոր Սարգիս Դադոյանը որոշեց Մամիկոն Ասլանյանի խափանման միջոցը փոխելու վերաբերյալ միջնորդությունը մերժել։

ԱՄՆ Պետդեպարտամենտն իր զեկույցում ներառել է Լևոն Քոչարյանի նկատմամբ ոստիկանների բռնության դեպքը

26.04.2024 ● 09:36

Տարեկան զեկույցում ներառել է Երևանում բողոքի ցույցերի շրջանը, որը սկսվել է 2023 թվականի սեպտեմբերի 19-ին՝ Արցախի վրա ադրբեջանական հարձակումից հետո։

Մեկնարկել են անհնազանդության ակցիաները (տեսանյութ)

26.04.2024 ● 09:31

Դավթաշենում ինքնաբուխ իրազեկման ակցիա անցկացվեց. քաղաքացիները փակեցին ճանապարհը։

Թուրքերը Փաշինյանին աջակցող հանրահավաք են անցկացրել ԱՄՆ-ում (տեսանյութ)

Աննա Հակոբյանի պահվածքը գնացքում (տեսանյութ)

«Կարճ ասած». Մեղավոր է միայն էդ մեկ հոգին (տեսանյութ)

● Քաղաքական