ՀՅԴ 31–րդ ընդհանուր ժողովից առաջ Հայ հեղափոխական դաշնակցություն կուսակցության Գերագույն մարմնի ներկայացուցիչ Արմեն Ռուստամյանը հայտարարել է, թե եթե Ղարաբաղի  հարցով «ֆորսմաժորային» իրավիճակներ չլինեն, ՀՅԴ–ն առաջիկա խորհրդարանական և նախագահական ընտրություններին կմասնակցի առանձին:

–Եթե Ղարաբաղի հետ կապված խնդիրներ առաջանան, ապա այդ ժամանակ, գիտեք, արդեն ամեն ինչ այդ հարցի համեմատ դառնում է երկրորդական: Եվ եթե անհրաժեշտ լինի բոլոր քաղաքական ուժերին համախմբվել՝ դեմն առնելու այդ գործընթացի, այդ դեպքում ՀՅԴ–ն առաջ կգնա ամենավճռական միջոցներով և կընդառաջի միասնական ճակատ ձևավորելու հարցերին,–ընդգծել է նա: