Կազանում ավարտվել է ՀՀ, ՌԴ և Ադրբեջանի նախագահների ու արտգործնախարարների մասնակցությամբ հանդիպումը, որի ընթացքում քննարկվում էր Ղարաբաղյան հակամարտությունը։

Հանդիպման արդյունքում ընդունվել է համատեղ հայտարարություն, որտեղ մասնավորապես ասված է, որ պետության ղեկավարները արձանագրել են փոխըմբռնում մի շարք հարցերում, որոնց լուծումները կնպաստեն հիմնական սկզբունքների հավանության տալու համար պայմաններ ստեղծելուն։

Հայաստանի և Ադրբեջանի նախագահներն իրենց գոհունակությունն են հայտնել ԵԱՀԿ Մինսկի խմբի համանախագահ երկրների՝ ՌԴ–ի, ԱՄՆ–ի և Ֆրանսիայի լիդերներին ՝ խնդրի կարգավորման գործում իրենց ներդրած ջանքերի համար, ինչպես նաև բարձր են գնահատել ՌԴ նախագահի անձնական ջանքերը՝ համաձայնությունների հասնելու հարցում։