«168 ժամ» թերթի հետ զրույցում ՀՀ վարչապետ Տիգրան Սարգսյանը նախ հիշեցրել է, որ 1991-ին, երբ ինքը դեռ ընդդիմություն էր, ինքն էլ է առաջ քաշել այն թեզը, որ արտահերթ ընտրությունների միջոցով պետք է հնարավորինս շուտ ձևավորել օրինական իշխանություն, սակայն հետո ավելացրել է, որ այսօր Հայաստանում այդպիսի կրիտիկական զանգված, որը պահանջում է արտահերթ ընտրություններ, օբյեկտիվորեն գոյություն չունի, հատկապես որ ընտրություններին էլ այնքան շատ ժամանակ չի մնացել:

Ինչ վերաբերում է Հայաստանից արտագաղթողների ծավալների ավելացմանը, Տիգրան Սարգսյանն արձագանքել է.

«Ի՞նչ անենք, ամեն ինչ անենք, որ այդ մարդիկ չփախչե՞ն, որ այդ կրիտիկական զանգվածը մնա այստեղ, ու հեղափոխությո՞ւն լինի: Ինչպե՞ս անենք, որ մարդիկ մնան Հայաստանում։ Պետք է այնպես անենք, որ կյանքը մեր երկրում ավելի լավ լինի, քան արտերկրում: Բայց եթե դու սկսում ես կյանքը Հայաստանում բարելավել, կրիտիկական զանգվածը չի նվազում: Ավելանում է այն զանգվածը, որն աջակցում է իշխանություններին: Հավատացե՛ք ինձ, որ ոչ մի իշխանություն չունի այնպիսի ցանկություն՝ այնպես աշխատի, որ իր հեղինակությունը լինի ավելի ցածր, քան ընդդիմությանը»:

7or.am