Լրահոս

29.06.2011 10:30


ԱՄ Սենատի միջազգային հանձնաժողովը հավանություն է տվել Լիբիայում ԱՄՆ զորքերի կիրառմանը

ԱՄ Սենատի միջազգային հանձնաժողովը հավանություն է տվել Լիբիայում ԱՄՆ զորքերի կիրառմանը

ԱՄՆ սենատի միջազգային հանձնաժողովը հավանության է արժանացրել Լիբիայում միջազգային  ռազմական գործողություններին ԱՄՆ զինված ուժերի մասնակցության մասին բանաձևը։

Ինչպես փոխանցում է «ՌԻԱ նովոստի»–ի թղթակիցը՝ բանաձևի օգտին են քվեարկել հանձնաժողովի 14, իսկ դեմ՝ 5 անդամ։ Այսպիսով փաստաթուղթն այժմ դրվելու է ամբողջ պալատի քննարկմանը։ Հավանական է, որ Սենատը կողմ քվեարկի Լիբիայի ռազմական գործողություններին ԱՄՆ զինված ուժերի մասնակցությանը, սակայն այս հարցի շուրջը բանավեճերը շարունակական են լինելու։

Բանաձևը նախատեսում է Լիբիայում ԱՄՆ զորքերի ներկայությունը մեկ տարով։

Բանաձևի հեղինակներն են Սենատի միջազգային հանձնաժողովի նախագահ, դեմոկրատ Ջոն Քերին և զինված ուժերի հարցերով հանձնաժողովի անդամ, հանրապետական Ջոն Մաքքեյնը։ Երկու խորհրդարանականն էլ հայտարարել են, թե Լիբիայում ընթացող գործողություններից ԱՄՆ զորքերի դուրսբերումը կգործի հօգուտ Մուամար Քադաֆիի վարչակարգի։

Այս խորագրի վերջին նյութերը