Ադրբեջանի ազգային ավիափոխադրող «Ադրբեջանական ավիաուղիներ» ընկերությունը սկսել է օգտագործել Հայաստանի օդային տարածքը: Տեղեկությունը հայտնում է ՌԻԱ Նովոստին:

««Ադրբեջանական ավիաուղիներ» ավիաընկերությունը Բաքու-Նախիջևան-Բաքու ներքին չվերթն իրականացնելիս հոկտեմբերի 6-ից սկսել է օգտագործել Հայաստանի օդային տարածքը։ Այս քայլը ցույց է տալիս տարածաշրջանում տրանսպորտային հաղորդակցությունների ապաշրջափակման Ադրբեջանի վճռական պատրաստակամությունը, ինչը համապատասխանում է բոլոր սահմանամերձ երկրների շահերին»,-ասված Է AZAL ավիաընկերության տարածած հաղորդագրությունում։

Նշվում է, որ Բաքու-Նախիջևան-Բաքու չվերթի երթուղու փոփոխությունը կհանգեցնի այդ ուղղությամբ թռիչքի ժամանակի կրճատմանը, ինչպես նաև թռիչքի ժամանակ վառելիքի ծախսի նվազմանը:

«Այպիսով, AZAL-ը այս չվերթն իրականացնելիս կարող է օգտագործել գոյություն ունեցող բոլոր օդային միջանցքները, այդ թվում՝ Հայաստանի և Իրանի տարածքով անցնող»,-շեշտել է ավիաընկերությունը։

Մինչև Հայաստանը բացում է օդային սահմանը Բաքվի համար, Իրանը հայտարարել էր այն փակելու մասին։ «Փաստինֆո»ն տեղեկացրել է, որ հոկտեմբերի 5-ից պաշտոնական Թեհրանը ռազմական կապուղիների միջոցով ադրբեջանական կողմին հայտնել է, որ արգելում է թռիչքներ իրականացնել դեպի Նախիջևան։ Իրանը օդային սահմանը փակել է մասնավորապես ադրբեջանական ռազմական ավիացիայի համար։

Աղբյուրը՝ pastinfo.am