Ֆրանսիացի կին գրող Տրիստան Բանոնը երեքշաբթի՝ հուլիսի 5–ին, Փարիզի  դատախազությունում հայց է ներկայացրել  ընդդեմ Արժույթի միջազգային հիմնադրամի նախկին ղեկավար Դոմինիկ Ստրոսս Կանի սեքսուալ ոտնձգությունների  մեղադրանքով։

Այս մասին «Agence France–Presse» գործակալությանն ասել է ֆրանսուհու փաստաբան Դևիդ Կուբբին։

Ներկայացված  փաստերի ուսումնասիրությունից հետո քրեական գործ է հարուցվել։ Դևիդ Կուբբին հայտարարել է, որ իր պաշտպանյալը մտադիր  չէ դատական գործը վերածել «քաղաքական գործընթացի»։

Բանոնը  62–ամյա քաղաքական գործչին և ֆինանսիստին մեղադրել  է բռնաբարության փորձի  մեջ, որն իբրև թե տեղի է ունեցել 2003–ին (ավելի վաղ հաղորդվում էր, որ դեպքը տեղի է ունեցել 2002–ին)։  Ստրոսս Կանը, ֆրանսուհու հաղորդմամբ, փորձել է նրան բռնաբարել իր գրքի համար վարվող հարցազրույցի ժամանակ։

Երբ Տրիստան Բանոնը հաստատել է հայց ներկայացնելու մասին իր մտադրությունները, Դոմինիկ Ստրոսս Կանը հայտարարել է, որ ինքն է հայց ներկայացնելու ֆրանսուհու դեմ զրապարտության մեղադրանքով։

Հիշեցնենք, որ  նախորդ մեղադրանքը ԱՄՆ նախկին ղեկավարի նկատմամբ նոր էր հանվել։