Սուդանում զինվորականները երկրի վարչապետ Աբդալլա Համդոկին տարել են անհայտ ուղղությամբ: «ՌԻԱ Նովոստի»-ի փոխանցմամբ՝ այս մասին հայտնել է երկրի տեղեկատվության նախարարությունից:

Տնային կալանքի տակ հայտնված Համդոկն ավելի վաղ կոչ էր արել երկրի բնակիչներին դուրս գալ փողոց և պաշտպանել հեղափոխությունը: Գերատեսչությունից հայտնում են, որ զինվորականները ճնշում են գործադրում վարչապետի վրա, որպեսզի վերջինս ռազմական հեղաշրջմանն աջակցող հայտարարություն անի:

Ավելի վաղ հաղորդվում էր, որ մի շարք նախարարներ և քաղաքական գործիչներ են ձերբակալվել: Սուդանի ինքնիշխանության խորհրդի ղեկավար Աբդել Ֆաթահ ալ-Բուրհանի և վարչապետի հանդիպումից հետո վերջինս ևս հայտնվել էր տնային կալանքի տակ:

Զինվորականները շրջափակել են մայրաքաղաք Խարթումն ու անջատել ինտերնետ կապը, մինչդեռ ցուցարարները դուրս են եկել փողոց և մի քանի ճանապարհ փակել: Նրանք անվադողեր են այրում:

Հաղորդվում է, որ նոյեմբերին լրանում է Սուդանի ինքնիշխանության խորհրդի անցումային կառավարման ժամկետը, որը պետք է իշխանությունը փոխանցի քաղաքացիական կառավարությանը: Մարդիկ փողոց են դուրս եկել՝ պահանջելով զինվորականներից փոխանցել իշխանությունը:

Հաղորդվում է, որ զինվորականները Խարթումում վերահսկողության տակ են առել «Ալ-Արաբիա» պետական հեռուստառադիոընկերության շենքը:

Աղբյուրը՝ tert.am