Երևանի քաղաքապետարանն ի գիտություն է ընդունել Հայ Ազգային Կոնգրեսի իրազեկումները՝ նախընտրական զանգվածային հրապարակային միջոցառումներ անցկացնելու մասին։

ՀԱԿ-ը ապրիլի 18-ին Երևանի քաղաքապետարան իրազեկումներ էր ներկայացրել՝ մայիսի 4-ին Արաբկիր, 5-ին՝ Նորք-Մարաշ, 6-ին՝ Աջափնյակ և մայիսի 8-ին Դավթաշեն համայնքներում նախընտրական զանգվածային հրապարակային միջոցառումներ անցկացնելու մասին։ Դրանք մեկնարկելու են ժամը 17։00-ին՝ հանրահավաքով, և ավարտվելու երթով՝ ժամը 22։00-ին։

Երևանի քաղաքապետարանի մամուլի ծառայությունից տեղեկացնում են, որ ՀԱԿ-ի իրազեկումները քննարկվել են և Երևանի քաղաքապետարանն ի գիտություն է ընդունել դրանք։