Իսպանիայի վարչապետ Խոսե Լուիս Ռոդրիգես Սապատերոն ուրբաթ օրը հայտարարել է, որ հերթական խորհրդարանական ընտրությունները տեղի կունենան նախատեսվածից (2012թ. մարտ) 4 ամիս շուտ՝ 2011թ. նոյեմբերի 20–ին։ Այս մասին տեղեկացնում է «EFE» գործակալությունը։

Սապատերոն նման որոշում է կայացրել երկրի ներքին գործերի նախկին նախարար Ալֆրեդո Պերես Ռուբալկաբայի հետ խորհրդակցելուց հետո։ Ռուբալկաբան առաջիկա ընտրությունների ժամանակ կներկայացնի իշխող՝ Իսպանիայի սոցիալիստական աշխատավորական կուսակցությունը (ԻՍԱԿ)։

Գործող վարչապետ և ԻՍԱԿ–ի գլխավոր քարտուղար Սապատերոն ավելի շուտ հայտարարել էր, թե վարչապետի պաշտոնի համար անընդմեջ երրորդ անգամ չի պայքարի։

Ըստ երևույթին, ընտրությունների ժամանակ նա կաջակցի Ալֆրեդո Ռուբալկաբային։