Օգոստոսի 26-ին`ժամը 12.36-ին ահազանգ է ստացվել, որ Կոտայքի մարզում` Ալափարս-Չարենցավան ավտոճանապարհի 4-րդ կմ-ի հարակից տարածքում այրվում է բեռնատար ավտոմեքենա:

Դեպքի վայր  է մեկնել  մեկ մարտական հաշվարկ:

Դեռևս չպարզված հանգամանքներում ‘’ԳԱԶ-53’’ մակնիշի 28 ՕՕ 843 պետհամարանիշի ավտոմեքենան (վարորդ` Ս.Ասատրյան) դուս է եկել երթևեկելի մասից, շրջվել հարակից ձորակը և բռնկվել: Տուժածներ չկան:

Հրդեհը մեկուսացվել է ժամը 12.53-ին, մարվել` 12.58-ին:

Այրվել են շարժիչը, վարորդի խցիկը և 2 անվադող:

…

Նույն օրը`ժամը 18.15-ին ահազանգ է ստացվել,որ Լոռու մարզի Մեծավան գյուղում` եկեղեցուն հարակից տարածքում, այրվում է ավ­տո­մեքենա:

Դեպքի վայր է մեկնել մեկ մարտական հաշվարկ:

Հրդեհը մեկուսացվել է ժամը19.10-ին, մարվել` 20.30-ին:

Այրվել է Հ.Գրեյանին պատկանող ‘’ԶԻԼ 130’’ մակնիշի առանց պետհամարանիշի բեռնատարի խցիկը, թափքն ու անիվները` մասամբ և թափքում կուտակված 1 տ անասնակերը:

…

Օգոստոսի 27-ին` ժամը 11.19-ին  ստացված տեղեկատվության համաձայն, Լոռու մարզում` Վանաձոր-Դիլիջան ավտոճանապարհի 9-րդ կիլոմետրում (Լերմոնտովո գյուղի մոտ) շրջվել է ավտոցիստերն:

Դեպքի վայր է մեկնել մեկ մարտական հաշվարկ:

Դեռևս չպարզված հանգամանքներում ‘’Իվեկո’’ մակնիշի 40 Ա 42910 պետհամարանիշի  ավտոցիստերնը շրջադարձ կատարելու ժամանակ շրջվել է, որի հետևանքով ավտոցիստերնի պարու­նակությունը` 22 տ ժավելի սպիրտը, թափվել է ավտոճանապարհին և հարակից տարածքում, իսկ վարորդ` Իրանի Իսլամական Հանրապետության քաղաքացի,1959թվականին ծնված Մուհամեդ Ալի Փառ Թաթուլան  ստացել է դեմքի այրվածքներ և մինչև հրշեջ-փրկարարների ժամանելը տեղափոխվել Վանաձոր քաղաքի թիվ 2 հիվանդանոց: իսկ այնուհետև` Երևան քաղաքի Ս. Մալայանի անվան օֆտալմոլոգիական կենտրոն:

Բժիշկների կողմից տուժածի առողջական վիճակը գնահատվել է միջին ծանրության:

Հրշեջ-փրկարարների կողմից իրականացվել է ավտոճանապարհի լվացում, իսկ ՀՀ Բնապահպանու­թյան նախարարության աշխատակիցների կողմից ավտոճանապարհի հարակից տարածքից վերցվել են փորձանմուշներ:

…

Օգոստոսի 28-ին`ժամը 05.26-ին ահազանգ է ստացվել, որ Երևան քաղաքի Աճառյան փողոցի թիվ 42 շենքի մոտ վթարված ավտոմեքենայի գազի բալոնից նկատվում է արտահոսք:

Դեպքի վայր է մեկնել մեկ մարտական հաշվարկ:

Դեռևս չպարզված հանգամանքներում ‘’Ֆոլքսվագեն Գոլֆ’’ մակնիշի 15 ԼՍ 552 պետհամարանիշի  ավտոմեքենան դուրս է եկել երթևեկելի մասից և բախվել ճամփեզրի արգելապատնեշին,ինչի հետևանքով վարորդ,1988թվականին ծնված Վարդգես Ղազարանը ստացել է թեթև մարմնական վնասվածք և տեղում ստացել առաջին բուժօգնություն:

Հրշեջ-փրկարարների ուժերով գազի բալոնից արտահոսքը դադարեցվել է:

…

Նույն օրը` ժամը 19.11-ին տեղեկատվություն է ստացվել, որ Սյունիքի մարզում` Գորիս-Ստեփանակերտ ավտոճանապարհի Խնձորեսկ գյուղի խաչմերուկում տեղի է ունեցել ավտոպատահար, կան տուժածներ և անհրաժեշտ է փրկարարների օգնությունը:

Դեպքի վայր մեկնած հրշեջ-փրկարարները պարզել են,որ իրար են  բախվել ‘’ՎԱԶ 2121’’ մակնիշի 52 ԼՕ 847 պետհամարանիշի և ‘’ՎԱԶ 2109’’ մակնիշի 65 ՍՕ 893 պետհամարանիշի ավտոմեքենաները,ինչի հետևանքով ‘’ՎԱԶ 2109’’ ավտոմեքենայի վարորդ,1991թվականին ծնված Արսեն Բաբայանը, ուղևոր`1992թվականին ծնված Բաբիկ Գասպարյանը և ‘’ՎԱԶ 2121’’ ավտոմեքենայի ուղևոր`1976թվականին ծնված Աիդա Մարգարյանը ստացել են տարբեր աստիճանի մարմնական վնասվածքներ: Փրկարաները տուժածներին դուրս են բերել ավտոմեքենաներից, ցուցաբերել առաջին բուժօգնություն և հանձնել շտապ օգնության աշխատակիցներին:

Տուժածները տեղափոխվել են Գորիս քաղաքի հիվանդանոց, որտեղ Բ.Գասպարյանը մահացել է: Ա.Բաբայանի և Ա.Մարգարյանի առողջական վիճակը  գնահատվել է ծանր:

…

 

Օգոստոսի 29-ին`ժամը 06.25-ին տեղեկատվություն է ստացվել, որ Գեղարքունիքի  մարզում`Սևան-Երևան ավտոճանապարհի 15-րդ կմ-ում տեղի է ունեցել ավտոպատահար, կան տուժածներ և անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Դեռևս չպարզված հանգամանքներում բախվել են ‘’ԳԱԶել’’ մակնիշի Տ 361 ՈՒՌ պետհամարանիշի  (վարորդ` Գոռ Սարգսյան, ծնվ.1978թ.) և ‘’ԶԻԼ-130’’ մակնիշի 28 ՍՕ 837 ետհամարանիշի  (վարորդ` Ռուսլան Բալինյան, ծնվ.1951թ.) ավտոմեքենաները:

Փրկարաների ուժերով ‘’ԳԱԶել’’ ավտոմեքենայից դուրս են բերվել մոտ 30-35 տարեկան երկու կնոջ դի և  հանձնվել շտապ օգնության աշխատակիցներին: Մեկ տղամարդ և մեկ կին տարբեր աստիճանի մարմնական վնասվածքներով տեղափոխվել են համապատասխանաբար Սևան և Հրազդան քաղաքների հիվանդանոցներ:

Տուժածների ինքնությունը առայժմ պարզել չի հաջողվել: