Աշխարհ

12.08.2022 22:00


Գալապագոսում երկու դար առաջ անհետացած իգուանաները վերադարձվել են կղզի

Գալապագոսում երկու դար առաջ անհետացած իգուանաները վերադարձվել են կղզի

Բնապահպանները սովորական կոնոլոֆոսների՝ խոշոր իգուանաների են բերել Գալապագոս արշիպելագի Սանտյագո կղզի: Նրանք այդ վայրում անհետացել էին 19-րդ դարում։ Ակնկալվում է, որ բնակչությունը կօգնի վերականգնել էկոհամակարգերը, որոնք վերացրել էին ինվազիվ տեսակները, գրում է The Science Times-ը։

Իգուանաները, ինչպես կրիաները, պահպանում են բնական հավասարակշռությունը կղզիներում: Նրանք տեղափոխում են բույսերի սերմերը և ազդում տեղական բուսական աշխարհի վրա:

Կոնոլոֆների պոպուլյացիայի վերականգնման նախագիծը սկսվել էր երեք տարի առաջ, սակայն Գալապագոսի արգելոցի աշխատակիցները միայն հիմա են պատմում դրա հաջողության մասին։ Այս ընթացքում նրանք երեք հազար իգուանա են բաց թողել վայրի բնություն, որոնք արդեն բազմանում են վայրի բնության մեջ։

Մինչ այս վերջին անգամ կոնոլոֆների ներկայությունը Սանտյագոյում փաստագրվել էր Չարլզ Դարվինի կողմից 1835-ին։ Երբ 1906-ին Կալիֆոռնիայի արշավախումբը կղզի էր հասել, մողեսներն արդեն անհետացել էին:

Հավանաբար, իգուաններն անհետացել էին կատուների, այծերի, էշերի և խոզերի հետ մրցակցության պատճառով. նրանց Գալապագոս էին բերել կետորսները:

Աղբյուրը՝ news.am

Այս խորագրի վերջին նյութերը