ՀԱՊԿ ՀԱԽ-ին չի հաջողվել համաձայնեցնել հռչակագիրը։ Այս մասին ամփոփիչ ճեպազրույցում հայտարարել է պաշտոնից հեռացող ՀԱՊԿ գլխավոր քարտուղար Ստանիսլավ Զասը։

Նրա խոսքով՝ 2 փաստաթուղթ չի ընդունվել։ Սա Հայաստանին օգնություն տրամադրելու որոշման նախագիծ է եւ հռչակագիր։

«Փաստաթուղթը (օգնություն ցուցաբերելու մասին - խմբ.) գտնվում է պատրաստվածության բարձր աստիճանում, համաձայնեցվել է ներկա ծանր իրավիճակում միջոցառումների համալիր՝ կապված հայ-ադրբեջանական սահմանին լարվածության հետ։ Փաստաթուղթը ճանաչվել է ընդհանուր առմամբ պատրաստ, սակայն պետք է վերջնական տեսքի բերվի: Հանձնարարվել է լրամշակել եւ ստորագրման ներկայացնել պետությունների ղեկավարներին։ Նույնը վերաբերում է հռչակագրին։ Պատրաստվածության բարձր աստիճան, սակայն անհրաժեշտ կլինի մի շարք ճշգրտումներ կատարել փաստաթղթում»,-հայտնել է Զասը։

Նրա խոսքով՝ սա նորմալ գործընթաց է, չկա ոչ մի միջազգային կազմակերպություն, որտեղ բոլորը նույն կերպ մտածեն։

Ինչպես հաղորդվել էր ավելի վաղ, ՀԱԽ-ը համաձայնեցրել եւ հաստատել է 15 փաստաթուղթ։

Աղբյուրը՝ news.am