Տնտեսական

10.03.2023 16:01


«Ապրանքս ջարդելով թուրքի պես տարան. թող տանեն լափեն». լարված իրավիճակ Տիգրան Մեծի պողոտայում (տեսանյութ)

«Ապրանքս ջարդելով թուրքի պես տարան. թող տանեն լափեն». լարված իրավիճակ Տիգրան Մեծի պողոտայում (տեսանյութ)

Այսօր՝ մարտի 10-ին Երեւանի Տիգրան Մեծի պողոտայում միջադեպ է եղել փողոցային առեւտուր իրականացնողների, ոստիկանության ու քաղաքապետարանի աշխատակիցների միջեւ. առեւտրականների խոսքով, քաշքշուկ է տեղի ունեցել, նրանց ապրանքը թափել են գետնին, մնացածն առգրավել:

Հիշեցնենք, որ դեռ ամիսներ առաջ Նիկոլ Փաշինյանն անդրադարձել էր փողոցային առեւտրին՝ ասելով, որ անհապաղ պետք է կասեցնել այդ երեւույթը:

Առեւտուր իրականացնող քաղաքացին պատմել է հետեւյալը. «Իմ ապրանքն են ջարդելով, թուրքի պես տարել: Ես էս ձեւով եմ իմ ընտանիքը պահում, իրենց նմաններն էլ գալիս են, ապրանքս տանում են, որ ուտեն: Երեւի ինձնից կարիքավոր են, թող տանեն լափեն: Բազկաթոռներին նստած ասում են՝ գնացեք, բորդյուրներից ապրանքները հավաքեք, չեն մտծում, որ մարդն այնքան կարիք ունի, որ երկու կտոր ապրանքը առել, կանգնել է այստեղ, որ երկու կոպեկ փող առնի:

Հիմա իմ ամբողջ ապրանքը գետնին թափված է, որը հասցրեցին՝ տարան, որ էլ չէ, թափվեց: Խնձոր, նարինջ, այլ մրգեր, ինչ կար, տարել են: Նիկոլն ասում ՝ գնացեք բորդուր շարեք: Թող ինքն ու իր տղեն գնան բորդյուր շարեն: Իրեն ո՞վ են, որ օրենք թելադրեն: Ես ՊՆ նախկին շենքից եմ, մեզ հանեցին, գցեցին քուչեքը: Տեղ չունեմ ապրելու, հիմա էլ եկել եմ, որ ռեւտուր անեմ, տուն պահեմ, ստեղից էլ եկան վեշերս հավաքեցին տարան: Հիմա ես ո՞ւր գնամ»:

Մեկ այլ կին էլ շարունակեց. «Ես ոստիկանության ու քաղաքապետարանի աշխատողներին խնդրում եմ, ասում եմ՝ իմ երեխան հաջորդ շաբաթ վիրահատության է, հիվանդանոցից եմ եկել: Ասում եմ՝ իմ ապրանքն իջեցրու, ես կտանեմ ուրիշ տեղ, ասում՝ տենց բան չկա, ինձ հետաքրքիր չէ: Ասում եմ՝ իմ երեխեն այսօր աշխատում է, որ իր եղբորը հաջորդ շաբաթ պետք է վիրահատեն, ասում է՝ ի՞նչ անեմ: Աստված դա քո ընտանիքը էտի տենա, Աստված տա Նիկոլի երեխեքը էդ ամեն ինչի միջով անցնեն: Ես նաեւ ՊՆ նախկին շենքի բնակիչ եմ, էնտեղից էլ հանեցին շպրտեցին»:

Աղբյուրը՝ news.am

Այս խորագրի վերջին նյութերը